القطو الكبير

يا حبيبي الفرق ما بيني وبينك ,, !
آنا أعبّي الماي وإنت الي تسربه .. !!

تستغل وقتي وأنا سارح فـ عينك ..
ما دريت بـْ غفلتي / غيري تشربه .. !!!

كنت أظنّ النور في طلعة جبينك ..
واتضّح لي : خافقي / زينك غدر به ..

كنت بمحي ما مضى لك من سنينك .. !
والقطو الكبير عمره ما يْتربى .. !!

جيت متأخر .. يدينه في يدينك .. !
وطاح زهر ٍ من يديني .. لك بقربه ,, !

الحسن : حسنك / وكلّ الزين : زينك ,,
الشعر : قولك / جزاله والدرر به.. !

من يشوفك يعشقك يصبح رهينك .. !
وأنت ما تقصد ولا قلبك شعر به .. !!

النهر ويش النهر ؟! جرعة حنينك ..
البحر : إنت َ .. يليت أقدر أشربه .. !!

أتبعك مثل القدر وآقول وينك .. ؟!
كان قلبك ليّ أنا وغيري حدر به .. !

كلّ هذا " كنت " بالنسبة لـ ظنينك .. !
آآآه ما يلطف به إلا عون ربّه .. !!

السما ظلمة .. وصوت أشياء تدينك ..
والهوى لك معلن ٍ هاليوم حربه ..

ليه تطعن يرحم الله والدينك .. ؟!
وش مسوّي ؟! لجل كل هذا أمر به .. ؟!

ياخي لي ديني ولك بالدين دينك .. !
توني صغيّر وشايل ألف كربه .. !!

روح في دربك قبل والله أهينك .. !
ما بقى حزن بحياتي مو مجربه .. !!


أنت مستانس معا غيري بـ حينك .. !!
ومرحبا بي .. في سجن بديار غربه ..

منسجن بعدك .. وأنا أصلا سجينك ..
مثل من موته نطره بـ وسط دربه .. !

إنطوت صفحة غلا وبيّن دفينك ..
للأسف لا .. ما انت شيّ ٍ أفتخر به ..

يرحم الله روح " ريحة " ياسمينك ..
قاتل وربّك على فعلك جهر به ..

كان هذا الفرق ما بيني وبينك ..
ليت كنت الي تسربه بسْ تشربه ..

غلطتي ما شفت ماضيك وسنينك .. !
والقطو الكبير عمره ما يْتربى .. !!